उपमुख्यमंत्री अजितदादा व माजी आमदार संजयमामा यांच्या वाढदिवसाच्या निमित्ताने विविध कार्यक्रम

करमाळा

उपमुख्यमंत्री अजित पवार व करमाळा तालुक्याचे माजी आमदार संजयमामा शिंदे यांच्या वाढदिवसानिमित्त विविध उपक्रम राबवण्यात आले आहेत. यानिमित्ताने खाऊ वाटप, चारा वाटप तसेच सर्व प्रकारच्या वाहनाचा मोफत पियुसी काढून देणार असल्याची माहिती देण्यात आली आहे. सदर कार्यक्रमाचे आयोजन करमाळा तालुका राष्ट्रवादीच्या वतीने करण्यात आले आहे.

सदर वाढदिवस व माढ्याचे माजी आमदार बबनरावजी शिंदे यांच्या प्रकृती स्वास्थपर आई कमला भवानी चरणी प्रार्थना व आरती 31 जुलै रोजी सकाळी नऊ वाजता कमलादेवी मंदिर या ठिकाणी करण्यात येणार आहे. तर उपमुख्यमंत्री अजित पवार व संजय मामा शिंदे यांच्या वाढदिवसानिमित्त जगदंबा मूकबधिर निवासी विद्यालय देवीचामाळ येथे पोलीस निरीक्षक रणजीत माने यांच्या हस्ते व तहसीलदार शिल्पा ठोकडे यांच्या प्रमुख उपस्थितीत खाऊ वाटप केले जाणार आहे.

तसेच तालुक्यातील सर्व प्रकारच्या वाहनांचा मोफत पीयूसी काढून देण्यात येणार आहे. सदर कार्यक्रमाचे उद्घाटन श्री. माने तसेच प्रमुख उपस्थिती म्हणून निमगाव टेंभुर्णी चे सरपंच यशवंत शिंदे हे उपस्थित राहणार आहेत. तर सकाळी साडेदहाच्या सुमारास उपजिल्हा रुग्णालय येथे रुग्णांना फळे वाटप केले जाणार आहेत.

यावेळी प्रमुख उपस्थिती म्हणून सचिन तापसे तर शुभ हस्ते तहसीलदार शिल्पा ठोकळे हे उपस्थित राहणार आहेत. पांजरपोळ येथे चारा वाटप भाजपा जिल्हा सरचिटणीस गणेश चिवटे यांच्या हस्ते तर गटविकास विकास अधिकारी पंचायत समिती अमित कदम यांच्या उपस्थितीत चारा वाटप केला जाणार आहे. सदर कार्यक्रमाला उपस्थित राहण्याचे आवाहन राष्ट्रवादी काँग्रेसच्या वतीने करण्यात आले आहे.