जगतापांचा शिंदेंना दे धक्का – जगतापांनी दाखवला ट्रेलर पुर्ण पिच्चर शनिवारी

करमाळा समाचार 

माजी आमदार जयवंतराव जगताप यांनी यंदा राष्ट्रवादीचे उमेदवार नारायण पाटील यांना पाठिंबा दिला आहे. या पार्श्वभूमीवर त्यांनी करमाळा येथे पत्रकारांशी संवाद साधला. यावेळी बोलत असताना त्यांनी संजयमामा शिंदे यांच्यावर टीका करत ट्रेलर दाखवला असल्याचे बोलले जात आहे. तर दि २ रोजी महात्मा गांधी शाळेत मोठी सभा घेऊन त्या ठिकाणी पिक्चर बाकी असल्याचा इशारा दिला आहे.

करमाळा तालुक्याच्या राजकारणात जगताप गट हा मातब्बर गट असून त्याच्यावर तालुक्याचे राजकारण अवलंबून असते. मागील वेळी २०१९ च्या निवडणुकीमध्ये संजयमामा शिंदे यांच्या गटाला जयवंतराव जगताप यांनी पाठिंबा दिल्यानंतर मोठा फरक दिसून आला होता. तर केवळ ५००० च्या फरकाने संजयमामा शिंदे हे आमदार झाले होते. त्याच्यानंतर आता २०२४ च्या निवडणुकीत माजी आमदार जयवंतराव जगताप यांनी घेतलेल्या भूमिकेमुळे राजकीय गणिते बदलल्याचे दिसून येत आहे.

आज झालेल्या पत्रकार परिषदेमध्ये जगताप यांनी संपूर्ण विषयांवर चर्चा करण्याचे टाळले. पण बाहेर जात असलेली प्रशासकीय इमारत व त्यासाठी असलेला भूखंड यावर बोलताना जगताप यांनी दिलेली माहिती ही धक्कादायक असल्याचे दिसून आले. यावरून जगताप यांनी केवळ ट्रेलर दाखवला असल्याचे दिसते. तर संपूर्ण पिक्चर ते महात्मा गांधी शाळा येथे बोलताना सांगतील असे त्यांनी सांगितले. तालुक्यात केवळ कागदावर विकास कामे झाल्याचेही यावेळी जगताप म्हणाले. तर जो व्यक्ती स्वतःच्या नेत्याला प्रामाणिक राहत नाही तो जनतेला काय न्याय देणार. विरोधकांना पुन्हा उभारण्याची तलप होणार नाही असे म्हणणारे संजय मामा हे सध्या अहंकारी झाले असून त्यांना तालुक्यातील जनता योग्य पद्धतीने जागा दाखवील असेही यावेळी जगताप म्हणाले.

यावेळी माजी नगराध्यक्ष वैभवराजे जगताप ,माजी नगराध्यक्ष प्रशांत ढाळे , माजी नगराध्यक्ष अमोदशेठ संचेती , माजी उपनगराध्यक्ष अहमदचाचा कुरेशी , माजी नगरसेवक श्रेणीकशेठ खाटेर , माजी नगरसेवक अल्ताफशेठ तांबोळी , माजी नगराध्यक्ष जयराज चिवटे , माजी नगरसेवक नवनाथ राखूंडे, माजी सभापती अतुल पाटील , महेश (बंटी ) जाधव ,बाळासाहेब बलदोटा , माजी नगरसेवक डॉ . मनोज कुंभार ,माजी नगराध्यक्ष हनुमंत फंड , अमेय परदेशी , गणेश कुकडे , बाजार समिती माजी संचालक मनोज पितळे , आदिनाथ चे माजी संचालक धुळाभाऊ कोकरे ,

बाजार समिती संचालक माजी देवानंद बागल , झनकशेठ परदेशी , बाजार समिती उपसभापती बबन मेहेर , बाजार समिती संचालक शिवाजी राखुंडे , बाजार समिती संचालक महादेव डुबल , बाजार समिती संचालक जनार्दन नलवडे , खरेदी विक्री संघ संचालक शहाजी शिंगटे , माजी पं स . सदस्य नागनाथ लकडे , खरेदी विक्री संघ संचालक सरपंच दादासाहेब कोकरे , माजी बाजार समिती संचालक महादेव कामटे , बाजार समिती संचालक सागर दोंड , आनंद शिंदे , खरेदी विक्री संघ संचालक संभाजी रिटे ,प्रा .तानाजी जाधव ,बाळासो कांबळे , भाऊसाहेब बुधवंत , माजी सरपंच दादासाहेब पुजारी , खरेदी विक्री संघाचे संचालक हनुमंत ढेरे,

मनोहर गुंडगिरे ,दादा धाकतोडे , रोहीदास आलाट , शंकर माने ,सुनिल ढाणे , जोतीराम ढाणे , पै . दादा इंदलकर , बाजार समिती संचालक बाळु पवार , माजी नगरसेवक बबन पाटील , माजी नगरसेवक अजित परदेशी , उमेश सुरवडे , महादेव फुंदे , नवनाथ नागरगोजे , नंदू नलवडे, आदी मान्यवरांसह मोठ्या संख्येने कार्यकर्ते उपस्थित होते .