भवानी पेठ येथील लॉजच्या छाप्यातील आरोपीस जामीन मंजुर
करमाळा समाचार
करमाळा शहरांमधील भवानीपेठ येथील लॉज मध्ये संशयित आरोपी यांच्यावर महिला व मुलींच्या व्यवसायिक लैंगिक तस्करी कायद्याअंतर्गत कलम 3,4 व 5 तसेच BNS 2023 कायद्यांतर्गत कलम 143(2),144(2) अन्वये करमाळा पोलीस स्टेशन येथे दिनांक 20/6/2025 रोजी गुन्हा नोंदविण्यात आलेला होता. यातील संशयीतांना जामीन मंजूर करण्यात आला आहे.

या प्रकरणात संबंधित लॉज मध्ये बनावट गिऱ्हाईकाच्या साह्याने पोलिसांनी संबंधित ठिकाणी रेड टाकून एक संशयित आरोपी व बंद खोलीतील तीन महिलांना ताब्यात घेऊन गुन्हा दाखल केला होता. त्यामधील आरोपीला 20 जून 2025 रोजी अटक झाली होती. आरोपीचा अटक जामीन अर्ज बार्शी येथील मे. अतिरिक्त जिल्हा व सत्र न्यायालया येथे एडवोकेट नितीन पाटील तसेच एडवोकेट अमर शिंगाडे यांच्या वतीने ठेवला होता.
संशयित आरोपींवरती अनैतिक महिला विषयी ध्येय व्यापार केल्याबद्दलचा आरोप होता. आरोपीच्या वकिलांनी मे. जिल्हा न्यायालयासमोर पोलिसांनी दाखल केलेल्या दोषारोप पत्रामधील तपासाच्या आधारे आरोपीचा त्या व्यवसायाशी कुठलाही संबंध नाही हे मे. न्यायालयाच्या निदर्शनास आणून देऊन युक्तिवाद सादर केला मे.कोर्टाने आरोपींच्या वकिलांचा युक्तिवाद ग्राह्य धरून आरोपींचा जामीन हा दिनांक 18/8/2025 रोजी अटी व शर्तीवरती मंजूर केला. आरोपीतर्फे एडवोकेट नितीन पाटील तसेच एडवोकेट अमर शिंगाडे यांनी काम पाहिले.

