मोटारसायकल अपघातात हिवरे येथील तरुण ठार ; दुसरा गंभीर जखमी

करमाळा समाचार

करमाळा येथून हिवरे येथे जात असताना मोटरसायकल व टेम्पो यांच्यात झालेल्या धडकेत एक जण जागीच ठार तर दुसरा गंभीर जखमी झाला आहे. सदरची घटना पांडे पासून दोन किलोमीटर अंतरावर घडली आहे.

पोलीस मदत क्रमांक 112 ला संपर्क साधल्यानंतर आनंद पवार मेजर यांच्यासह घटनास्थळी पोलीस तात्काळ पोहोचले आहेत. जखमीला तात्काळ करमाळा येथील उपजिल्हा रुग्णालयात दाखल करण्यात आले. शिंदे हे जागीच ठार तर चव्हाण यास पुढील उपचारासाठी त्या सोलापूर येथे पाठवण्यात आले आहे.

दुपारी साडेचारच्या सुमारास सदरचा अपघात घडल्याची माहिती मिळत आहे. यावेळी अपघात इतका जोराचा होता की अपघातामध्ये नागनाथ शिंदे जागीच ठार झाले. तर बाळु चव्हाण यांना गंभीर दुखापत झाली आहे. दोघेही हिवरे येथील रहिवासी आहेत.