अनोळखी वाहनाच्या धडकेत जखमी महिला ठार पती जखमी
करमाळा समाचार
करमाळा येथील पाहुण्यांना भेटण्यासाठी मोटरसायकलवर येत असताना अनोळखी वाहनाच्या धडकेत जखमी झालेल्या दांपत्याला करमाळा येथील रुग्णालयात दाखल केले. त्यावेळी महिला ठार तर पुरुष गंभीर जखमी झाले आहेत. त्यांना पुढील उपचारासाठी पुढील रुग्णालयात पाठवले आहे. सदरचा अपघात हा अहिल्यानगर टेंभुर्णी महामार्गावर धनश्री हॉटेल परिसरात दुपारी बाराच्या सुमारास घडला आहे.
जयश्री सतीश सस्ते रा. कर्जत असे मयत महिलेचे नाव आहे. तर सतीश सस्ते हे जखमी झाल्याने पुढील उपचारासाठी त्यांना दुसरीकडे पाठवण्यात आले आहे.
याबाबत अधिक माहिती अशी की, कर्जत येथील दांपत्य करमाळा शहरात पाहुण्यांना भेटण्यासाठी मोटरसायकलवर निघाले होते. यावेळी करमाळा मांगी रस्त्यावर धनश्री हॉटेल शेजारी आल्यानंतर पाठीमागून येणाऱ्या अनोळखी वाहनाने सदर मोटरसायकलला धडक दिली. यावेळी रस्त्याच्या कडेला जाऊन पडलेल्या दांपत्याला गंभीर जखमा झाल्या होत्या.
यावेळी घटनास्थळी पोहोचलेल्या रुग्णवाहिकेमार्फत दोघांनाही करमाळा येथील उपजिल्हा रुग्णालयात दाखल करण्यात आले. यावेळी उपचारापूर्वी महिला जयश्री या मयत झाल्या तर सतीश यांना पुढील उपचारासाठी पुढे पाठवले आहे. सदर घटनेचा पुढील तपास करमाळा पोलीस करीत आहेत.
