सालसे गाव व परिसरात होत असलेले गुन्हे थांबविणेसाठी बसविले सि सी टि व्ही कॅमेरे

करमाळा –

सालसे गाव हे करमाळा ते परांडा व कुर्डुवाडी या राज्य मार्गावर आहे. त्यामुळे सदर मार्गावर नेहमी अपघात होत होते व अपघातानंतर आरोपी वाहनचालक गाडी सह फरार होत होते. तसेच सालसे परीसरात घरफोडी, चोरी , महिलांची छेडछाड करणे याबतचे गुन्हे वाढले होते. त्यामूळे करमाळा पोलीस स्टेशन यांनी यापूर्वी गट विकास अधिकारी करमाळा व ग्रामपंचायत सलसे यांना पत्र देवून सालसे चौकात कॅमेरे बसविनेसाठी विनंती केली होती. त्याला ग्रामपंचायत सालसे यांनी प्रतिसाद देवून एक लाख रुपये खर्च करून गावचे चौकात व शाळेत 08 सीसीटीव्ही कॅमेरे बसविले आहेत.

त्यामुळे आज रोजी करमाळा पोलीस स्टेशन चे पोलीस निरिक्षक श्री विनोद घुगे साहेब, गट विकास अधिकारी श्री कदम साहेब , Api श्री रोहीत शिंदे,Psi श्री संदेश चंदनशिव पो हवा नाईकनवरे,पो शि संदीप शिंदे यांनी भेट देवून आभार व्यक्त केले यावेळी गावचे उद्योजक दशरथ घाडगे , सरपंच, उपसरपंच, ग्रामपंचायत सदस्य, पोलीस पाटील, ग्रामसेवक असे उपस्थीत होते.

सालसे ग्रामपंचायत प्रमाणेच करमाळा तालुक्यातील इतर ग्रामपंचायत यांनी देखील आपले गावचे हद्दीत सीसीटीव्ही कॅमेरे बसवावेत असे पोलिसांनी आवाहन केले आहे.