ग्रामसुरक्षा यंत्रणेच्या तात्काळ व प्रभावी वापरामुळे एकाच गावात चोरांचा 2 वेळा चोरीचा प्रयत्न फसला

करमाळा समाचार -संजय साखरे

14/05/2023 रोजी करमाळा पोलीस स्टेशन हद्दीतील राजुरी ता.करमाळा, जिल्हा_सोलापूर गावात रात्री 12:40 वाजता श्री सोमनाथ जालिंदर धुमाळ यांच्या घरी व रात्री 2:40 वाजता श्री तुकाराम अनंता दुरंदे यांच्या घरी 3-4 चोर चोरीच्या उद्देशाने आलेले आहेत.

हे कळताच गावचे सरपंच श्री अमोल दुरंदे आणि श्री गावातील सामाजिक कार्यकर्ते श्रीकांत साखरे यांनी घटनेचे गांभीर्य लक्षात घेता,तात्काळ ग्राम सुरक्षा यंत्रणेद्वारे (18002703600) सर्व गावाला व पोलीस स्टेशनला ही माहिती कळवली.

त्यामुळे तात्काळ गावकरी तसेच करमाळा पोलीस स्टेशनची नाईट राऊंडची गाडी घटनास्थळी दाखल झाले. आणि संपूर्ण गाव सतर्क झाल्याचे लक्षात येताच,चोर अंधाराचा फायदा घेऊन पळून गेले व दोन्ही घटनांमध्ये चोरांचा चोरीचा प्रयत्न फसला व पुढील अनर्थ टळला.