भिवरवाडी शाळेचे दोन विद्यार्थ्यांचे नवोदय विद्यालय प्रवेश परीक्षेत यश

करमाळा समाचार 

जिल्हा परिषद प्राथमिक शाळा भिवरवाडी येथील कु. प्रत्यंजा सतीश चिंदे व कु. सुहाना रिजवान मुलाणी या दोन विद्यार्थिनींची नवोदय विद्यालय प्रवेश परीक्षा परीक्षेत पात्र म्हणून निवड झाली आहे. ही परीक्षा 11 जानेवारी 2020 रोजी घेण्यात आली होती .यामध्ये नवोदय विद्यालय पोखरापूर येथे 80 विद्यार्थ्यांची निवड केली जाते. त्यापैकी भिवरवाडी या एकाच शाळेचे दोन विद्यार्थी प्रवेश पात्र झाले आहेत.

भिवरवाडी येथे सातवीपर्यंत वर्ग असून तीनच शिक्षक कार्यरत आहेत तरीसुद्धा या विद्यार्थ्यांनी व शिक्षकांनी योग्य ती मेहनत घेऊन हे यश मिळवले आहे .या विद्यार्थ्यांना वर्गशिक्षक श्री सतीश चिंदे यांचे मार्गदर्शन लाभले तसेच मुख्याध्यापक श्री विजयकुमार ननवरे व उपशिक्षिका श्रीमती. मनीषा गायकवाड -उघडे मॅडम यांचेही सहकार्य लाभले.

या यशस्वी विद्यार्थ्यांचे अभिनंदन करमाळा तालुक्याचे सभापती श्री. गहिनीनाथ ननवरे ,उपसभापती श्री. दत्तात्रय सरडे गटशिक्षणाधिकारी श्री राजाराम भोंग विस्ताराधिकारी श्रीमती मंगल लिंबा शिंदे केंद्रप्रमुख श्री. अजिनाथ तोरमल , शाळा व्यवस्थापन समितीचे अध्यक्ष श्री. भैरू आरकिले यांनी अभिनंदन केले.